Qadınlarda sidik qaçırmanın müalicəsi

Niyə həkimə müraciət etmək lazımdır?

Sidik qaçırma yaşın təbii nəticəsi deyil və özü keçmir.

Bir çox xanım illərlə bu şikayətlə yaşayır, gündəlik həyatını, idmanını və sosial fəaliyyətini məhdudlaşdırır. Halbuki müalicə üsulları mövcuddur və nəticə şikayətin dərəcəsindən asılıdır — nə qədər erkən müraciət olunarsa, o qədər sadə üsullarla nəticə alınır.

Səbəb necə müəyyən edilir?

Sidik qaçırmanın bir neçə növü var və hər biri fərqli müalicə tələb edir. Ona görə də müalicədən əvvəl:

• şikayətin tarixçəsi və hansı vəziyyətlərdə baş verdiyi dəqiqləşdirilir;
• ginekoloji müayinə və çanaq dibi qiymətləndirilməsi aparılır;
• sidik analizi ilə infeksiya istisna edilir;
• göstəriş olduqda ultrasəs və əlavə müayinələr təyin olunur.

Müalicə üsulları

• Konservativ müalicəÇanaq dibi əzələlərinin məşqi, çəki və maye rejiminin tənzimlənməsi, məsanənin təlimi. Yüngül hallarda ilk seçimdir.
• Hormonal dəstəkMenopauza dövründə lokal estrogen müalicəsi selikli qişanın vəziyyətini yaxşılaşdırır.
• CO₂ lazerYüngül dərəcəli stress tipli sidik qaçırmada tətbiq olunur; kəsik və tikiş tələb etmir.
• TOT əməliyyatıOrta və ağır dərəcəli stress tipli sidik qaçırmada aparılan cərrahi üsul. Sidik kanalının altından dəstək lenti yerləşdirilir. Anesteziya altında, stasionar şəraitdə aparılır, təxminən 1,5 saat çəkir.

Hansı üsul mənə uyğundur?

Bu suala müayinəsiz cavab vermək mümkün deyil. Eyni şikayət yüngül dərəcədə çanaq dibi məşqi ilə, orta dərəcədə lazerlə, ağır dərəcədə isə yalnız cərrahi yolla həll oluna bilər. Səhv seçilmiş üsul vaxt itkisinə səbəb olur.

Tez-tez verilən suallar